Magwe (Ma Gui) region, A-Thet-Min-Hla township, Mi Laung Kone village tract, Yeyin Asho Chin khuaah Military council sipaiten April 22 khan a khawpum an hal thu hriat a ni a.
He khua hi Division 88 te leh A Thet Min Hla Military council sipai pawlten an hal a, Monastery 1 leh chenna in 19 an hal thu hriat a ni bawk.
Hengah hian Magwe region Division 88 te leh A Thet Min Hla Military council sipai 200 rualten Pathein leh Monywa khawpui tlak lamah operation pawl 3-in Asho Chin khua Mi Laung Kone khua, Taung Phi La khua, Chuang Ta khua, Ya Phon khua leh Yeyin khuaah an luh chilh thu hriat a ni a.
Hetia Military council sipaiten an luh chilh avangin khaw hrang hranga chhungkaw 70 chuanga mihring 405, Buddist puithiam 2, puithiam zirlai 5, Buddist sakhuaa hmeichhe inserh hrang (Nun) 4 leh Pastor 1 te an tlanchhiat thu hriat a ni bawk.
