Chin State, Kanpalet township chhunga Administor Office, Township Head of Education Office leh High School-a Military Council te Camp awmna chu tukin khan CDF-Kanpalet Battalion, pawl 3 ten an beih thu hriat a ni.
Democracy activist Ko Jimmy, Ko Phyo Zeya Thaw, Ko Hla Myo Aung leh Ko Aung Thurah Zaw, mi 4 te, Military Council ten dan lova an tihhlum chungchangah chhan letna tiin an kah chilh thu CDF-Kanpalet, Battalion-a Information thu neitu Ko Salai Tun Ling Tal chuan Ayeyawady (Ii Ya Wa Di) Media a hrilh.
Salai Tun Ling Tal vek chuan “Military Council ten Ko Jimmy, Ko Phyo Zeya Thaw leh a thiante an tihhlum thu an chhuah hnu lawk khan keini leh ram chhung mipuite a barakhaih hle a, in hnemna kawng a har hle. He boruak a thlen tak avangin Khawchhungah inkahna duh loh mah ila, a chhan let nan kan kap a ni. He inkahna hi Ko Jimmy, Ko Phyo Zeya Thaw leh a thiante phuba lakna” tiin Ayeyawady Media a hrilh.
He inkahnaah hian CDF-Kanpalet sipai lam thi leh hliam awm lovin an hnungtawlhsan a, Military Council lam ni 4 an thih thu hriat a ni.
July 11,12-ah pawh khan Kanpalet khawpui chhunga Military Council te Camp awmna hrang hrang, CDF Kanpalet Battalion ten an kap a. Military Council lam mi 2 an thi a. Kanpalet khawpui chhungah hian Military Council hnuaia Division 55, Camp an awm thu hriat a ni.
