Indonesia, Jakarta khawpuia tum 56-na ASEAN Foreign Minister te Meeting thuchhuaka Myanmar buaina chungchang an tar lan chu “ASEAN thuthlung nen a inmil lo” tiin rem an tih loh thu Military council Foreign Ministry chuan July 14 khan an thuchhuahah an tar lang a.
Myanmar chungchangah hian tan bik neia thu an chhuah avangin kan rilru a nuam lo hle a. ram chhungah remna leh muanna bakah Democracy a nih theih nan eng thu mah an tar lang lo tiin an dem thu an sawi a.
ASEAN ten Five-Point Failur an duan tawhnaah zawm duh lovin ram chhungah ralthuam lian leh te bakah Thlawhnain mipui pawi sawi lo an la bomb reng thin avangin an dem hle a ni.
NUG sorkarten July 14-a an thuchhuahah chuan Thai Foreign Minister leh Daw Aung San Suu Kyi inhmuh thu-ah an dem a, ASEAN thu duan 5, dan a pel an ti thung a. Hetia Myanmar leh a thenawm ram te nena ram dang te inpawh turna chungchang beihpui an thlak laiin thuneihna chelh mek Myanmar Military council te lungawi lohna hian eng mah a thlen lovang tiin an sawi a ni.
