Myanmar telin khawvelah buaina leh human right pal zut avangin in leh lo tlansan raltlan mi Maktaduai 110 vel an awm niin UN High Commissioner (UNHCR) Filippo Grandi chuan a sawi a. Nikum khan Myanmar, Democratic Republic of the Congo, Ethiopia ram atangin mi maktaduai khat vel, in leh lo tlansan an awm thu an tar lang tawh a.
Asia, Pacific chhehvelah raltlan maktaduai 1.4 an awm tawh a, kum 2021-a Military council-ten thuneihna an lak hnu atang khan raltlan mi maktaduai 1.2 an tling tawh a, heng zingah hian Myanmar mi te an tam ber thu UNHCR chuan a tar lang a ni.
April thla chawhnua Sudan rama buaina avangin mi maktaduai 2 vel in leh lo an tlansan thu UNHCR chuan a tar lang bawk a. Heng, mi mangang raltlante tawm khawmna ramte hi ram rethei Asia leh Africa ramte an nih thu a sawi zui bawk a ni.
