NUG sorkarten hun khaihlak chhunga zirna school an hawn, Aung Myay Thar ZanFederal School In charge, Miss Daw Eih Swe Zin Myint chu Mandalay U Bo Jail chuan July 17 khan kum 20 Jail tang turin an hrem thu Mandalay khawpuia tualchhung miten an sawi a.
An man ringawt a, eng case nge an awrhtir dawn hriat a la ni lova. Kum 2023 March 22 chawhnu khan school in charge Daw Eih Swe Zin Myint leh a thawhpui zirtir mi 4 te chu Mandalay khawpuia an chenna inah an man a. A hnuah an thawhpui zirtirtu mi 15 an man chhunzawm leh thu hriat a ni bawk a.
Kumin 2023 April 5 khan Military council-te Daily news Myanma Alinn-ah NUG zawm school hawn phal loh a ni tia an tar lan avanga man an tih thu hriat a ni a.
Military council-ten thuneihna an lak hnu hian nawrhna huaihawtin NUG sorkarten school hawngin CDM lutten an zirtir thin a. Aung Myay Thar ZanFederal School pawh hi kum 2022 atang khan online hmangin zirna neih thin a ni a.
Political prison (AAPP)-ten July 18 thlenga an chhinchhiah dan chuan Military council-ten ram chhung mipui 19535 an man tawh a, heng zinga mi 6859 te chu Tan inah an khung thu an tar lang a ni.
