State counselor Daw Aung San Suu Khi leh President U Win Myint te chu Min Aung Hlaian nikum Febraury ni 1 atangin a man a, thubuai siamsak theih nan ani chuan sipai lam leh Home department lam a hriattir nghal bawk a.
Home Minister Soe Thut leh military regional commander-ten state counselor Pi Suu Kyi leh President U Win Myint te thubuai siamsak thei turin Bureau of investigation department pumpui chu mawhphurhna an pe zui ve leh nghal a. Chu mi atana mawhphurna la officer te leh staff te list chu Khit Thit media-in hetiang hian official-in a tlangzarh ta a ni.
Helicopter leina lama thubuai siamsak thei tura phiarrutu Special Investigative director Maung Maung Myint
Ministry of Social Welfare, Relief and Resettlement atana hman tur helicopter leinaah state counselor Pi Suu Kyi leh President U Win Myint te chu thamna la niin, corruption case pahnih siamsaktu chu special investigation department director Maung Maung Myint a ni.
Chung thubuai siamsak tura mawhphurhna petu chu Home Minister စိုးထွဋ် niin, helicopter leina chungchanga dawt thubuai siam turin special investigation department-a officer leh staff 19 chu hman an ni a.
Chung dawt thubuai phuahchawp siamtu Special investigative director Maung Maung Myint-a thawhpuite chu Shan state special investigation department-a officer 4, staff 3, Sagaing regional level-a inrawlhte chu officer 2, staff 2, Tanintayi region-a officer 3, staff 1, Magway region-a officer 2, staff 2, an vaiin mi 19 an ni.
Daw Khin Kyi Foundation endiknaa dik lo taka thubuai siamsaktu Bureau of Investigation director Soe Now Oo
Pi Suu Kyii chu Daw Khin Kyi foundation tana thamna sum la tia dawta puh a, thubuai siamsaktu chu Bureau of Investigation director Soe Now Oo a nih rualin, thu mi thubuai siamsak tura thupetu leh chu mi case bik atana hotua ruattu chu Yangon regional commander Nyuint Win Swe a ni.
Bureau of Investigation department director Soe Now Oo nena thawkhote chu Yangon regional Bureau of Investigation department officer 15, staff 15, Mon state-a officer 2, staff 1, Pago region-a officer 4, staff 5, Ayawaddy region-a officer 1, staff 4 te niin, an vaiin mi 47 an ni.
Pi Suu Kyi chu thamna lai ngeia thubuai phuahchawp siamsaktu Deputy director Thein Naing Thun, Chief Officer Aung Myat Moe leh Min Htwe te
===========================================
Pi Suu Kyii chu pawl lam kaihhnawiha thamna la leh eirua puh a, thubuai siamsak tura Ministry of Home department atanga thupek petu chu Home Minister Soe Htut a ni a, ani chuan deputy director Thein Naing Thun chu a mawhphurhna a pe chhawng leh a ni.
Tichuan, pawl lam kaihhnawiha Pi Suu Kyii thamna la anga puhtu Deputy director Thein Naing Thun-a thawhpuite chu Bureau of Investigation department (BID)-a officer 1, staff 3, BID News & Technology officer 17, staff 33, Kaya state-a BID officer 2, staff 1, an vaiin 59 an awm bawk a.
Chu bakah, Pi Suu Kyi nena inkaihhnawiha sum tihchingpen chungchanga thubuai phuahchawp siamtu ber chu Chief Officer (Investigation) Aung Myat Moe niin, NLD sum lakluh leh chhuak chungchanga thubuai siamtu erawh chu Chief Officer Min Htwe a ni. Chief Officer Aung Myat Moe chu election voting card chhut chuan a nih leh nih loh thubuaia endiktu ber a nib awk a.
Chief Officer Aung Myat Moe leh Min Htwe te chu Bureau of Investigation News/Technology (Yangon)-a officer 6 leh staff 9, an vaiin mi 15-in an pui a, chutianga ti tura thupetu chu Yangon regional commander Nyuit Win Swe a ni.
