Sagaing region, AYaDaw township, TaungMyua (Taung Hmua) khuaah Military council sipaiten tualchhung mi 6 an thah tawh hnuah a khaw pumin an hal thu tualchhung miten Yangon Khit Thit Media hnenah an sawi a.
May 24 tuk khan Military council sipaiten khawchhung an luh chilh hnuah tualchhung mi 6 an thah hnuah a khaw pumin an hal thu hriat a ni a.
Military council sipaiten an thah te hi kum 30 atanga kum 80 chuang te an nih thu hriat a ni a.
“Heng an thah mi 6 te hi, In an halnaa kang hlum te leh tlan chhuakte an man hnuah an thah te an ni a. Military council sipaiten Khua an chhuahsan tawh hnuah KyuePaGan (Chui Pa Gan) khua an hal nawn leh” tiin tualchhung mi pakhat chuan Yangon Khit Thit Media a hrilh a ni.
TaungHmua khua hi In 360 chuang niin mihring 1500 vel an awm a. Military council sipaiten an luh chilh tum hian a khaw pumin an tlanchhe deuh vek a, tlanchhe ve thei lo te an zawn hnuah an kap a, mi 6 zet an thah thu tualchhung mi pakhat chuan a sawi a.
Heng Military council sipaite hian May 23 atang khan TaungHmua khua an luh chilh a, khawchhung Buddist school-ah buk an khuar a. Military council sipaiten khawchhungah In 100 chuang an hal chhiat thu hriat a ni bawk.
