Sagaing region, Monywa district, AYardaw township, Ngwedwin khuaa Phyusawhti camp Drone hmanga an beihnaah Military council sipai 17 an thih thu KyaukSe (Chauh Se) district Battalion 1(NaNgaNi Battalion), Deputy battalion Commander chuan Yangon Khit Thit Media a hrilh a.
June 20 khan Ngwedwin khuaa Phyusawhti camp-a Military council sipaite leh Phyusawhti mi 20 vel meeting mek te chu Drone 4 leh bomb 8 hmanga an beihnaah mi 15 an boral a, kawngkhar veng duty Military council sipai 2 leh biruk tum 4 an hliam bawk.
“Ngwedwin khuaa Military council sipai leh Phyusawhti mi 20 an thut laiin bomb 8-in an bomb a, mi 15 an thi a. A pawna duty 2 an thi nghal bawk a, lei khura biruk tum 4 an hliam bawk” tiin KyaukSe district Battalion 1, Deputy battalion Commander chuan Yangon Khit Thit Media a hrilh a ni.
Military council sipai hliam 4 te hi Ayardaw civil hospital-ah an enkawl mek a, an dinhmun a derthawng hle thu hriat a ni a, PDF Intelligence pakhat pawh an man thu hriat a ni bawk.
He inbeihnaah hian KyuakSe district battalion 1 (NaNgaNi Battalion), Minchian district Battalion 7 (ZERO rawlrala che pawl), ShweBo district Battalion 15, SaTaung Moe Kyu (Local PDF), MRTF Drone Force, AungTaPyi Ngi Ngyang (MinMu Local) tangrual pawlten an beih rawn thu hriat a ni bawk.
