Bago region, Kyaukgyi (Chauh Chi) township, Natthankwin khuaa inbeihnaah Military council sipai ruang 60 chuang te chu rim chhe taka hmuh an nih thu Bago region PDF-a thuneitu pakhat chuan Yangon Khit Thit Media a hrilh a.
“Military council sipai ruang 60 chuang te rim chhe taka hmuh a nih thu an rawn report” tiin Bago region PDF-a thuneitu pakhat chuan Yangon Khit Thit Media a hrilh a.
June 6, zing dar 4-7 chhung khan Military council sipaite buk khuarna YeDwinKone (Yi Duing Kong) camp. Natthankwin khua police station, Natthankwin Lei chunga tangrual camp, KwinChaung (Kuing Chhawng) chhuah lam camp leh Bongtadaw camp te chu KNLA leh Revolution pawlten an beih rawn a. Heng bakah hian SitTaung tuipui kanna Natthankwin Lei leh a chhehvel lei 2-te pawh bomb kam hmanga an beih thu hriat a ni bawk.
