Bangladesh leh Myanmar ramri-ah neitu awm lo lei hnuai puk 7 hmuh a ni a. Heng puk te hi Rakhein (Arakan)-Rohingya chhanchhuaktu pawl ARSA ten an hman thin thu Rohingya leh tualchhung news mi te hnen atanga hriat a ni.
He thu hi January 30 khan Turkey AA news-ah tarlan a ni a. An mihring ruk te, heng pukah hian an khung khawm thin thu Rohingya mi pakhat chuan a sawi. Puk chhunga kal tlang hian Myanmar ramri a thlen theih thu an sawi bawk.
He, lei hnuai puk hi ram 2 inkara awm a ni a, dan leh hrai eng mah a awm hran lova, neitu awm lo a nih thu thuneitu pakhat chuan AA news a hrilh.
Hun hmasa lam khan Rohingya te, heng puk velah an lo awm thin avanga hriat a ni a. ARSA mi 2 te TV kal tlanga an interview-naah an zawhna chhangin lei hnuaiah puk 7 a awm a. Puk pakhatah ARSA leader a awm a, puk dang pakhatah Asst. Leader pakhat a awm bawk a. Puk dang zawng zawng chu ralthuam siamna leh hmanraw chi hrang hrang dah nan an hman thu a sawi a ni.
Myanmar lamah awlsam taka kal theih nan heng lei hnuai puk hi siam a ni tiin ARSA pawl member pakhat chuan a sawi bawk.
