Kayah State, Bawlakhe township, Thai leh Myanmar ramria Military council camp an beihnaah KA/KNDF sipai 10 an boral bakah mi 3 nasa takin an hliam thu Karenni Military Central Press Office-a thuneitu pakhat chuan Yangon Khit Thit Media a hrilh a ni.
February 27 zing dar 6:30 vel khan Bawlakhe township-a Khah Lah Yah (LIB) 135, Khah Lah Yah 54 leh northern battalion No.360 innghahna, tlang hmun No.1441 camp 2, chu Kayin Ni sipai (KA) Battalion 1,5 leh KNDF tangrual ten an beih thut avangin minute rei lo teah an laksak nghal a, 120 MM pahnih an laksak hnuah Military council sipai ten Jet Fighter 5-in an chhan letnaah KA/KNDF sipai 10 an boral a, mi 3 na taka an hliam thu hriat a ni.
“Sipai ten Laipui lian tak an zawn lain Military council sipai ten ralthuam lianin a an bomb-naah an boral nual a. Jet Fighter-a an beihnaah hliam an awm nual a, mi 3 chu damdawi inah phur luh nghal a ni a. mi 15 an hliam bawk” tiin Karenni Military Central Press Office-a thuneitu pakhat chuan Yangon Khit Thit Media a hrilh a ni.
Boral ta te hi KA sipai 8, KNDF sipai 2 an ni a, heng sipai boral ta te hi March 6 khan vui liam an nih thu hriat a ni.
Military council sipai camp an beihnaah hian sipai 10 an boral a, 120 MM ralthuam lian 1, 9 MM silai 1, RPG-7 ralthuam lian 1, khawl silai 1, MA-2 silai 3, MA-4 silai 1, silai pangngai 2 leh bomb bakah silai mu leh ralthuam tam tak an laksak nual a ni.
