Bawlakhe (Baw la Khe) township Me Sa Laung tlang chunga Military council sipai camp an laksak a, ralthuam tam tak an laksak nual thu KNDF ten an thuchhuahah an tarlang.
Kayin State, Bawlakhe township Nanphe khaw kiang Mesalaung tlang chunga Military council sipai camp changtlung tak chu Janaury 20, zing dar 7:50 khan Karenni Commando, KA, KNDF B 15, KNDF B 16, KNDF B 09, Loikaw PDF, DMO PDF tangrual ten an kah rawn thu hriat a ni.
He inkahnaah hi darkar 2 chhung vel a awh a, zing dar 9:30 khan camp an laksak a. Camp-ah Military council sipai 5 ruang hmuh a ni a, mi dang zawng an tlan chhuah vek thu KNDF ten an thuchhuahah an tarlang.
Camp an laksak hmunah hian 60 MM 2, Sink hand, RPG pakhat, MA-1 pakhat, MA-2 pakhat, MA-3 pakhat, MA-4 (79 inkawp) pakhat, 9mm pakhat, Nga Chin Mi silai pakhat, sniper pakhat, bomb, silai mu leh ralthuam hmanraw tam tak an laksak thu an thuchhuahah an tarlang bawk.
He inbeihnaah hian Kayin Ni (KA) sipai pakhat a boral a, Matar tiin KNDF ten chibai an buk thu an thuchhuahah an tarlang.
Camp an beihnaah hian Military council ten Jet Fighter pakhatin vawi 3 an chhang let a, Bawlakhe khuaa inkhuar ten ralthuam lianin an beih rawn avangin he camp hi an laksak ta a ni.
Bawllakhe khawpui, Mesalaung tlanga Military council sipai camp hi kum rei tak inkulh tawhin a changtlung hle tawh a. Mipui te rikrap nan ralthuam lian an chelek fo thinna camp a ni.
Mesalaung tlang chunga Military council camp, KA, KNDF B 21, KNDF B 10, Bawlakhe PDF ten an laksak tum hian thi zat hriat chian a ni lova. Tangtual pawl atangin thi leh hliam an awm lova, an hnungtawlhsan thu KNDF ten an thuchhuahah an tarlang.
