Britain Foreign Secretary Secretary Liz Truss chuan South East Asia (Chhim-Chhak Asia) tlawh kualin chawlhkar khat zel zet chu ram hrang hrangah a thlawk lut dawn a, chunga a thusawi tur zingah Myanmar lam chanchin (issue) a tel tur thu hriat a ni.
Liz Truss chuan tualchhung sumdawnna leh himna kawnga inlaichinna thuk zawk neih nan Asia chhim-chhak ram ram thenkhat tlawh a tum thu leh Malaysia chu Sunday nia a kal tur thu a sawi a. Chu bakah Truss-i chuan Thailand leh Indonesia ramte a tlawh bawk ang a, chu sumdawnna leh palai hna lama tihhmasawn tumna a awm hmel a. Liz Truss hian Europe thlawh khumin ram dangte nena inlaichinna tha zawk siam a beisei mek a.
Ani chuan, “Kei chu nakin kan hma lam huna hmasawnna thlentirtu dinhmunah Britian chu awmtir ka duh a, kum 2050 leh a hnu lama kan partner ber tur chu tute nge ni dawn tih lo inngaihtuah hlawm se ka duh a. South East Asia hi khawvel sumdawnna khawl (engine) pawimawh tak a la rawn nih dawn avangin, kei chuan Britain hi, chu mi part bung hrang nihtir ka duh a, he lai ram hmasawnna leh a pawimawh lan chhuahtir turin keini nena insumdawnna leh venhimna lama thawhhona te chu kan tihchhoh zel a ngai a ni,” tiin thuchhuah pakhatah a sawi a.
