khuaah Military council sipai 50 rual ten April 8, zing dar 8:00 vel atang khan khawchhung an hal a, chenna in 61 an halchhiat thu tualchhung mi ten an sawi.
Yong Hle Kone khuaah In 40, Ta Raw Taw khua leh Kok Ku Su khuaah In 21 an halchhia tiin an sawi a ni bawk.
Military council sipai operation ten Yong Hle Kone khuaah April 7 zan atang khan buk an khuar a. A tuk zing atangin an hal tan thu tualchhung mi pakhat chuan RFA Media heti hian a hrilh.
“Operation ten khawchhungah an innghat a ni ber mai. Zan khat Yong Hle Kone-ah an riak a, a tukah In an hal nghal a. Chenna in tam zawk awmna Kok Ku Su leh Ta Raw Taw khua hi khaw 2 ni si, khaw khat anga sawi theih a ni a, In 21 an hal bawk a ni”
Yong Hle Kone khuaah hian In 700 chuang an awm a, Kok Ku Su leh Ta Raw Taw khaw 2-ah In 300 chuang an awm thu a sawi zui bawk.
He chhiatna chungchangah Sagaing region, Military council thupuangtu U Aye Hlaing, RFA Media-in phone-a a zawhnaah chhanna a awm rih lo a ni.
Chenna in an hal zat chungchangah Data for Myanmar ten an chhinchhiah danin Military council ten thuneihna an lak hnu kum 2 chhung hian Sagaing region-ah In 47778 an hal tawh niin an sawi a ni.
