Yangon, north Okkla (Oh Ka La) township-ah Bah Kah Tah an tih Burma student union zirlai Hein Thet, Military council ten dam chhung Jail tang turin an hrem thu north Okklapa (Oh Ka La Pah) township Hight school(SHS) No.1, student union hruaitu thuneitu pakhat chuan Yagon Khit Thit Media a hrilh.
February 9 khan north Okklapa (Oh Ka La Pah) township, Hight school (SHS) No.1, student union (Burma student union) vice president ni bawk Ko Hein Thet chu Insein Jail court-ah section 505 (A), 50 (J) case hmangin dam chhung Jail tang turin an hrem thu hriat a ni.
Ko Hein Thet hi north Okklapa (Oh Ka La Pah) township, student union member a ni a, kum 2022 November 30 khan Mingaladon (Min Ka La Don) township-ah Military council ten an man thu, Hight school (SHS) No.1, student union-a thuneitu pakhat chuan a sawi.
Hetiang vek hian Yangon, Insein Jail-a dan lova an man Bah Kah Tah hruaitu vice president hlui Ko Lin Thet Naing (Ko James) pawh Military council ten kum 5 Jail tang turin an hrem thu Bah Kah Tah pawl hnen atanga hriat a ni.
February 13 khan Bah Kah Tah vice president hlui Ko Lin Thet Naing (Ko James) chu Military council ten Insein Jail court-ah section 52(B) hmangin kum 5 an hrem thu leh kum 2022 December 7 khan Insein Jail vekin section 505(A) hmangin kum 3 an hremna nen kum 8 an hrem thu hriat a ni bawk.
Ko Lin Thet Naing (Ko James) hi Military council ten kum 2022 June 18 khan Botahtaung (Bu Ta Thong) township-ah an man a. Kum 2022 October thlaa Insein Jail-a bomb a puah avang khan Jail-ah an khung a, he bomb a puah avangin a nu Daw May May Kyi (Daw Kyi Mynit) a boral thu hriat a ni.
