CDM, Captain Ngyi Tuh Tah Biangbiakna

0

February ni 1 atanga Military Council ten sorkarna an pawng lak hnu a, Military Council Battalion atanga tlan chhuak a, mipui lama tang hmasa ber CDM lut, mipui Sipai Captain Ngyi Tuh Tah, Khit Thit Media-in tunlai Military council Sipaite leh Mipui sipaite inkara thil thleng mek leh la thlen chho zel dan tur chungchanga, a zawhna leh chhannate han tarlang ila.

Zawhna: NUG-in D Day an puan hnu hian inkahna neuh neuh a awm tan a. Sipai leh Police CDM-a lut an tam chhoh hnu hian Battallion chhunga Sipaite rilru awm dan, engtin nge ni ta?
Chhanna: Tun dinhmunah chuan Sipaite an chau va, mawhphurhna lah a tam tulh tulh a. An rilru a hah a, inkhuahkhirhna a nasa zual a, thaw inpikin an puak keh tan tawh a ni deuh ber mai.

Zawhna: Tun dinhmunah hian Police hmeichhiaten ten an kah ve tak avangin Sipai lam hi an indaih lo niin i ring em?

Chhanna: An indaih loh chu a ni hran lo. Hmanah chuan indona mualah chauh an feh chhuak thin a. Tun hnuah chuan indo mual bakah hmun tin deuh thawah an inzar pharh a tul tak avangin chawlh hun an nei hlei thei tawh lova. Kum a vei dawn meuh chuan Sipai an indaih ta lova, Chumi avang chuan Police hmeichhia te indona hmuna tel ve turin phutna
a awm tan a. Tirh luih pawh an awm a, Sipai bang tawhte pawh chhawr nawn leh an tumin kan hria.

Zawhna: Tun dinhmunah hian mipui lam hi an chan a tha zawk niin i hria em?
Chhanna: Kan chakna chhan pakhat chu pawl tin hian kan hual bet a. Chuvang chuan PDF leh EAO ten Sipaite hi kan nawr chau tawh anga ngaih theih a ni a. Ui a zia angin khawi atangin nge an chhuah dawn tih leh eng nge an tih dawn tih an hre thei tawh lo a ni.

Khawpui chhungah leh pawn lamah pawh min kap thei reng a ni tih rilru kan putir reng a. EAO ten ralthuam indaih tawk an neih phei chuan hei ai hian an chak lehzual ang a, tunah rih chuan Sipaite nawr chauh hi a la tha rih ber a ni.

Zawhna: Sipai ten mipui chenna in leh bungruate tihchhiatsakin mipui an that a. Sipai thiltih hnuhnung leh mipui tel lo, mipui thattu Sipai an ni em?
Chhanna: Sipaite hun tawp hi a hnai tawh a. Eng vang nge tih chuan Tlangmi ralthuam keng te leh politicians te pawh nise Sipai nen an inkhak reng a. Tunah chuan hmelma thuhmun leh tum thuhmun kan nei tawh a, kan tanrual tawh avangin Sipai hi an hrang nalh tawh a ni. Sipaia tang duh lo kan ni vek tawh a. A History zawnga chhui pawhin an derthawng hle tawh a, mipui nen an inhlat telh telh a ni.

Zawhna: Sipaite hma lam hun hi, eng ang dinhmun nge an nih theih ang?
Chhanna: Sipaite inkaihhruai dan hi a hniam ber thil an tih a ngai tawh ang. An tih theih pakhat chu State thenkhat nen inberemin, mahnia inawp phalna leh ralthuam ken phalsakna pek niin ka hria a. Entir nan, Wah mite awmna hi Autonomus a pek angin Rakhine, Kayin, Kachin State-te pawh pe ta se, chutiang chinfel dan chu a awm a. Mahse, chutianga a thil kalpui dan chu tlang mi (ethnic) ten pawm ta lovin, beih rawn tum ta zel ta ang se chu sipai dinhmun chu chhiava viau ang.

Zawhna: Sipai dotu mipuite hi eng thurawn i pek duh?
Chhanna: Tuna Tlangmi ralthuam keng te hi infin turin a pawimawh a, PDF ten khawi Camp leh hmun nge kan laksak ang tih aiin Sipaite chaurau ek thai tur beih hi a pawimawh a. Ralthuam neih that a, kah hlum tam hi hnehna a ni a, rawlrala beih hi a pawimawh hle bawk a ni.

Zawhna: Sipai lubawkho an chhek khawm nual tih thawm a awm a, an awm tak tak em?
Chhanna: Sipai lama mi thar lak luh chu a harsa khawp ang. Tun dinhmunah chuan inkahna mual hrang hrangah an thawn darh a, hmeichhia pawh an tirh chhuak tak avangin, engtia rei nge an tan theih ang tih zawk a ni a, chutih rualin mipui PDF te pressure pek danah pawh thui tak a innghat bawk a ni.

Zawhna: Sipaite atangin Tlangmi ralthuam keng lamah thil pek an neih i hria em?
Chhanna: Rakhine, AA hnenah Covid-19 Vaccine 40000 an pek tum thu hriat a ni a, Kayin lama Tlangmi hruaitute nen an inbiak thu pawh hriat a ni bawk. A bak chu ka hre lo.

Zawhna: Hma lam hunah hian control area inpek ang hi a awm thei ang em?
Chhanna: Awm thei ang. A chhan chu an hmachhawn tura te hmachhawn loh nan an dah fel daih ang a, mi dang zawkte kha hnehsawh taka an tih theihna chance tha tak a nih avangin control area pek ang chi tactic hi an hman ngei a rinawm.

Zawhna: Nakin zelah PDF te hi engtia an awm nge i rin?
Chhanna: PDF te hi awm khawm lova an la darh nuai avangin a la sawi mai theih lova. Tunah rih chuan Wah anga awm tur anga sawi chu a la hma deuh a. An duh dan chuan Ethic ralthuam keng te nen inbiak rem tawnna a awm thei a. Entir nan: AA te nen pawh inbe rem tawh a, Kayin lam Bridage thenkhat chu NCA kawnga kal turin an sawm tawh bawk a ni.

Zawhna: Captain i nihnain engtia kal zel nge tha i tih?
Chhanna: Tatmadaw hi mipui Tatmadaw ni thei se a tha ber a. A buaithlak bera chu mipuite hian kan ring lova, kan pawm lovin, kan zah lo a ni. A rei hunah chuan zawi zawinin State tin hi mahni inawpnain an la kal ngei ang a, eng chen nge a rial dawn tih kan thlir mek a ni.

Zawhna: Sipai ten ralthuam keng lo mipuite chennain an halsak bakah bungraw pawimawh an laksak a. Khuaa haw ngam lo khawpa an tihna chhan hi eng vang nge ni?
Chhanna: Tlangmi te hi ding khaw chhuak thei lo turin an siam a, an rethei bawk a, a chhan chu ram chhungah mahnia ding chhuak thei lo turin thla hlawh tlem te pe a, nung ve chang chang turin a siam tlat a ni. Sipai hnuaihnung lam pawh chutiang bawkin a siam a, an thla khat hlawh lah Ks.150000- (India pawisaa 7000/-) vel chauh niin an kham khawp si lo, operation a neiha hun remchang leh hmuh fuh an neih chuan mipui thil tih lam ngaihtuah tawh lovin, an neih belhna tur leh an hrawk fahna tur a nih chuan an kalphung pawh hre chang tawh lovin, an rawk ta mai thin a ni.

Zawhna: Hmun laili vela Sipaite an chan chhiatna chhan hi?
Chhanna: Anniho an chetna ber chu EAO hmun vel Kayin leh Kachin vel hi a ni a. Chung hmuna an ral rel dan chu hmelma awmna hmun an hual bet deuh zel a. Chutiang deuh bawkin Sangain, Mandalay leh khaw dangte pawh hual betin a chhunga an mi duh te va rek chhuah zung zung chu tun thlenga an la tih dan a ni.

Zawhna: Sipai ten sorkarna an lak hnua mipuite chungah dan lo taka an sawisak hlum tak te hi?
Chhanna: Indona kalphungah chuan hneh hma loh beih a ni tawp mai a. Anni pawhin an theih tawp chhuahin hneh ngei tumin min bei dawn a, tuna an tha neihin a tlin lo a nih chuan tha dang, thil an ruai dawn a, nakinah chuan tank te, indo thlawhna te engpawh an rawn hmang dawn a ni. Chung chu kan lo chhut lawk vek a ngai a ni.

Zawhna: Mipui ten Social Media-a thlalak leh thu an post hi Sipaite tan information tha tak ang a ni thei ang em?
Chhanna: PDF ten ralthuam an lei thu leh ei leh in a hausakzia lantirna thlalak leh thu te an post a. Mipui lamin Camp awm dan leh tanpui dan tur chu hriat an chak viau laiin, a vai vaia lantir ai chuan mi pahnih khat vel lek inlantir a, mamawh tarlan a him zawk ang a. Mi dangin force engzat nge awm thei tia an hriat theihna kawng, Camp thlalak leh camp-a awmho thlalak tarlan loh hi a tha ber a ni.

Zawhna: Thalaite an man hmiah hmiah chhante hi?
Chhanna: PDF lut turte tithaih zawng te, an man takte hi Sipaiah luttir tumin an tlem khawp mai. Puak an phurhtir mai thin a, tirhkahah an hmang mai thin bawk.

Zawhna: Tun dinhmunah hian indona mual loah pawh inkahna a awm nual a. Inkahna hian ramri kham chin leh inzahsakna a nei ang em?
Chhanna: History kan en chuan inkahhai an tih hnuah an kap leh thin a, chutianga ramri kham chin inzahsakna an neih dawn leh dawn loh chu anmahniah a innghat a. Inzahsak tawnna thil hi a thupui ber a, Sipaite an chauh deuh chuan chhuanlam siamin kawng dang an dap leh mai thin a ni.

Zawhna: Sipaite hian mipuite do turin an tin zawn be rem ni?
Chhanna: Mipui te ngei hi a dotu anni zawk tawh a. Chutiang a lo nih takah chuan khawpui chhungah Sipai ten chenna in leh bungrua te an kap a. Chutianga mipuite ngeiin an do takah chuan mipui zawng zawng chu hmelhma angin an en tawh a. Mahse, chutianga an en poh leh mipui lamin an huat an tizual ve a, revolution rilru an nei lian zel a. Chuta tanga chakna an hmuh chu sipaite tan chuan thil tihsual lian tak a ni a. Thil tihsual an neih tam poh leh sipaite tlukchhiatna chance a tam ting a ni mai.

Share.

Leave A Reply

Exit mobile version