Central Bank hian ram dang pawisa thleng chungchangah a thununna a chhuah tawh a, danglamna tak a awm chuang loh avangin harsatna a punlun zel thu sumdawnna lama mi thiam ten an sawi.
Military Council-te thlazar hnuaia Central Bank hian ram dang sum thlengna chungchangah dan a zam nasa hle a.
A tlangpuia thlir chuan Central Bank hian August 16, 2022-a a thuchhuahah chuan ram dang nena pawisa thlengna (AD) Licence nei Bank emaw, export-tu hnen atangin 35% emaw, exemption Company, pawlho leh mimal pawisa te a lei tawh avangin Company hminga ram dang sum nena tuialhthei a lei reng reng chu ni tin an report ziah tur a ni tiin Central Bank chuan thu a tiam a.
Hetia Central Bank-in sum che vel dan a zam avang hian sumdawng mi ten harsatna an tawh thu an sawi.
Importer leh exporter mi pakhat chuan “ Tunah chuan thawn chhuah thil a tlak hniam avangin hnathawktu ten thuneihna an nei tawh lo. Export-a hmuh, ram dang pawisa hi tun hma chuan an tih angin 100%-in an thleng mai thin. Tunah chuan 65% an ti tawh a bang 35% chu a pawn rate-in tuin nge zuar thei tawh ang. Hnathawktu an awm tawh si lo, tun hma angin thawn chhuah leh lak luh thilah inpawhna a awm tawh si lo. Exporter te Dollar hmuh chu a hunlai rate-in inporter hnenah an hralh leh a. hetiang vang hian Marketing a buai zo vek” tiin a sawi.
Ram chhunga sum che vel a dik theih nan, dan mumal tak Central Bank hian a kenkawh a tul hle ang.
Chung karah chuan Military Council ten an thunun vek thu mi thiam ten an sawi.
Sumdawng mi thiam pakhat chuan “ Central Bank hi chu zalen taka insuihkhawm pawl a ni tur a ni. Mi thiam ten ram dinhmun enin policy instrument-ah a innghat a. Harsatna a awm chuan an inrawnho ang a. Tuna kalhmangah chuan an thunun vek a, that lam aiin chhiat lam kan pan zawk” tiin a sawi.
Military Council puipa chuan Bank kalhmangah mipuite rintlak turin leh kawng engkima hna an tawh theihna turin, hman ni lawk Meeting-ah a sawi a.
Military Council ten sorkarna an lak hnu February 1, 2021 khan US Dollar 1 hi Kyats 1331 niin K.1400-in an hralh thin.
Tunah chuan August 29-ah K.2100 a nih laiin Marketing-ah chuan K.4000 – 4500 vel inkarah a awm tawh a.
Chuvangin cheng thleng hi Military Council ten sorkarna an lak hnu, kum 1 leh a chenve hnu hian a let 2-in a sang ta a ni.
