Inida ram Mizoram state-a awm Myanmar thalai pawl Youth for Myanmar pawlin raltlan refugee te tanpui nan state khawpui Aizawl Millennium Centre kawtah February ni 22, 2 paruk (222222 – six twos) Revolution Day hriat reng nan open market festival an buatsaih tih hriat a ni.
Chu market festival chungchangah Youth for Myanmar pawla hruaitu pakhat Ma Wa Wa chuan heti hian a sawi.
“2 patuk hriatrengna nia market festival buatsaih ila tih ngaihtuahna kan nei a, refugee-te tanpui nana ruahmanna a nib awk a. Mizorama awm pawl dangte nen thawk hovin, he thil zawrhna kut hi kan buatsaih a, he mi atanga kan thawhhlawm hmuhte chu Mizoram chhung awm raltlante tanpui nan kan pe ang tih ngaihtuahna rawn chhuak a ni bawk a. Chu bakah 2 paruk nen bawk a lo in nan chiah avangin, 2 paruk market festival chu kan ruahman ta a ni.”
February ni 22 thleng, 2 paruk Revolution Day hriat rengna thil zawrh kutah chuan Myanmar traditional food hrang hrang thil kan chi, Mala-Shankaw, wet tha dok hto (Pork offal skewers), Chiazan kan, Sabuti, Chang kan, Ngapi kan, Kaikuang kan leh hmawmsawm chi hrang hrang chu chhawpchhuah niin, Mizorama awm Myanmar mite mai bakah tualchhung mi Mizote pawhin an leisak bawk tih hriat a ni a.
Chu thil zawrh kut program chu tualchhung Mizo zai thiamten leh Myanmar lama zai thiam lar Tuan-kham ten tawiawmin zaiin mipui an chawk hlim bawk a.
Tun dinhmunah Mizoramah Myanmar raltlan mi sing 4 vel an awm mek a, Mizoram sorkar, Mizo thalai pawl, Mizo student union leh NGO pawl ten kawng hrang hrangin an la tanpui reng a ni.
