Chauhdaw Myomah police station-a Beer in lai police 3 te chu AA-in an man

0

Rahine state, Chauhdaw Myo Mah police station-a police 3 chu June ni 20, tlai lam dar 6 velah Arakan Army (AA) ten an man chhuah thu, mita hmututen Western News an hrilh a.

Chauhdaw Myo Mah Police station-a awm, police inspector 1, sergeant 1 leh police lubawk pakhat te chu Myo Mah police station-a beer an in laia man an nih thu mit ngeia hmutu, hming tarlan loh chuan Western News a hrilh a ni.

Ani chuan, “Police 3 chu man an ni a. Kan hriat danin inspector 1 leh police dang 2 an ni a. Myomah station kawtah man an ni. Beer an in laia man an ni awm e,” tii a sawi.

Western News chuan police man tawkte chanchin kimchang chu a ngaihven mek a, an chanchin hriat a nih veleh tarlan a tum a.

Arakan state, Chauhdaw khua, PoneNaa khua leh Meuih Oo township-ah pawh military council sipaite chu tun chawlhkar chhungin mi 4 aia tlem lo Arakan Army ten an lo man tawh bawk a ni.

Chauhdaw khuaa inkhuar sipai battalion 9-a mi 2 chu AA ten an man hnuah military council sipai 120 velin khaw chhung dap chhuakin veng chhung lal thenkhat chu thu zawhfiah turin an man a.

Chutiang bawkin Phone Naa thliarkarah June ni 16-a insakna bungrua lei tum military council sipai 1 chu Arakan Army ten an man hnuah military council sipai lamin Phone Naa thliarkar khaw mi 12 aia tlem lo chu an man ve leh thung a ni.

Chu bakah Phone Naa thliarkara awm LIB 550-a sipaiten khaw chhungah lutin silai an hmet puak a, in tin an dap thu hriat a ni a. AA lam chuan military council sipai lamin AA sipaite an man avangin, sipaite chu man let ve an nih thu June ni 14-a press conference neihah AA thupuangtu Khai Tuh Khah-in a sawi a ni.

Share.

Leave A Reply

Exit mobile version