Chin inchai chak mi 3-te Naga hnam inchai Kutpuiah an tel dawn

0

Naga WrestleMania 9 “King Of The Ring Series 2022” tih hming chawiin khawvel huap, inchai Kutpui chu October 20-22 khian Kohima khawpuiah neih tur a ni a. US-a awm, Chin inchai chak: Biak Hmun Sang, Uk Lian Thang leh Van Ceu Hmung te chu Chin Community Indiana hming aiawhin an tel ve dawn a.

Chin Community Indiana (CCI) Vice President Cung Biak Zaathang chuan heti hian sawi.

“CCI, Chin Community Indiana aiawhin Chin inchai chak mi 3 te chu khawvel Naga hnam inchai Kutpuiah an tel dawn a. Hnehna an chan theih ngeina turin, i tawngtaipui theuh ang u.”

Biak Hmun Sang hi Chin mi inchai khawvela Chin Heavyweight Champion niin kawnghreng hum mek a ni a. Van Ceu Hmung pawh Chin Lightweight Champion, kawnghreng hum mek niin Uk Lian Thang pawh Chin Heavyweight Champion kawnghreng tum 2, lo hreng tawh a ni bawk.

Naga hnam inchai Kutpui chu October ni 20-ah, Kg 80 leh a hnuai lam Lightweight te an inbuan ang a. October 21-ah Kg. 80 chung lam Heavyweight te an intum leh ang a, October ni 22-ah King Of The Ring Champion zawn tur a ni ang.

Hnam zia lantirna inchai Kutpui hi Chin mi infiamna zinga thil pawimawh tak a ni a. Nunphung zia lantirna Indentity pho chhuahna tha tak a ni tiin Chin Wrestling pawla Manager Thawng Za Pum Lian chuan heti hian a sawi.

“Inchai hi Chin mi te infiamna zinga lar tak a ni a. Entirnan, US-a American football leh Baseball inkhelhna hi an Identity a nih angin keini pawhin inchai hi kan Identity a ni a. Chuvangin Chin mipui ten hlut leh zual turin kan in sawm a ni.”

2019 kumah pawh Chin Wrestling Champion, Rung Lian Ceu chuan Naga State-a, a tum 12-na Naga Wrestling an buatsaihnaah Chin mi aiawhin a tel tawh a, chu mi tum chuan lawmman 3-na a lak bakah The Best Tactic Wrestler nihna a dawng bawk a ni.

#5. Chin state-ah coffee, telhawng, sial rinchhanna Industrial zone din turin thuneihna latu Sr. Gen. Min Aung Hlaian a sawi.

September ni 27, Naypyidaw-a military council meeting-ah Sr. Gen. Min Aung Hlai chuan state zawng zawngah Industrial zone din turin thu pe mah se, Chin state-in ba a la nei a, coffee, telhawng leh sial hmanga Industrial zone din turin a sawi a ni.

Chu bakah Chin state-ah chutianga Industrial zone a taka din a nih chuan hna thawh tur tam tak a awm ang a, mipuiten hna an nei ang a, chu chu military council-in federal rights (chanvo) a pe tihna ang a ni dawn niin, thuneihna latu sipai hout chuan a sawi.

Interim Chin National Consultative Council (ICNCC) chairpersons member Salai Isacc Khin chuan military hian tuna ram chhung buaina ching fel lovin, eng sumdawnna lama hmasawnna mah bul a tan theih dawn loh ang bawkin, ti thei pawh ni se, thawh chhuah zawng zawng chu sipai leh crony ho tan vek a ni ang a, Chin state-a resource awmchhun te chu a chhe vek ang tiin a sawi.

Military council chairman chuan chutiangin sawi mah se, thuneihna lak a nih hnuah Mindat township chhungah sial 30 vel chu military council sipaiten ruin an talh a, kumin April thla tir lama chhinchhiahna (record) atanga hriat a nih thu Mindat Post-in a sawi.

Chin state hi military council sipaite dodala na taka beih letna state pakhat a ni a, tunah pawh Chinland defense pawl nen ni tin inkahna a chhuak a, tualchhung mipui a sing chuang chu raltlanin an awm mek a ni.

Share.

Leave A Reply

Exit mobile version