Military council sipai ten Chin State-ah January leh February, thla 2 chhungin Thlawhnain vawi 100 chuang an bomb thu CNF ten an thuchhuahah an tarlang.
Military council sipai ten January 1 atangin February 25 thleng, ni 50 chhung khan Chin State-ah Jet Fighter leh Helicopter-in vawi 115 aia tlem lo an bomb a, Buddish puithiam in telin tualchhung in an chhiat nual thu CNF news leh information office chuan February 28 khan an thuchhuahah an tarlang a ni.
January thla chhung khan Chin State, Thantlang township-ah Military council ten Thlawhnain vawi 26, Mindat khaw huam chhungah vawi 12, Matupi township-ah vawi 2, a vaiin vawi 40 an bomb a ni.
February thla chhung khan Thantlang khawpumah Military council ten Thlawhnain vawi 75 an bomb a, February 16 leh 25, ni 2 chhung khan vawi 34 an bomb thu CNF ten an thuchhuahah an tarlang a ni.
Military council ten thla 2 chhung an bomb-na hmun hi Thantlang khua tel lovin khaw danga raltlan te leh mipui chenna hmun te a nih thu hriat a ni.
