Chin State chhim lam, Matupi khuaa innghat Military council sipai camp atanga Mindat township lama pan mek Military council sipai 120 rualte chu, CDF-Matupi-ten June 6 khan an beih avangin mipuite, Mindat leh Matupi kawngah mi tu mah kal tlang rih loh turin CDF-Matupi-ten an thuchhuahah an tar lang a.
Military council sipaiten June 6 tuk khan Mindat leh Matupi kawngpui chuanhnuai Ramting khaw hluiah ralthuam lian leh tein an beih hnuah khawchhung an luh chilh a. CDF-Matupi-ten Military council sipaite ralthuam lian leh tein an lo chhan let avangin Military council sipaite chu Ramting khaw chung, mel 2 vela hlaah in sasengin buk an khuar thu CDF-Matupi-ten an sawi a.
CDF-Matupi thupuangtu Ko Nain John Kim chuan “Anniho kha kawngpui pangngaiah ni lo, tlang kar atangin an rawn kal a, keini erawh chuan pawl 3-ah thenin an awmna tura kan rinna hmunah kan kah rawn a, kan hnungtawlhsan thuai a, thi leh hliam erawh chiang takin kan hre thei rih lo’ tiin a sawi a.
Military council sipaiten operation an neih avangin Matupi township-a ChianPian, Ramting, Muntung khuaa tualchhung mipui 60 chuang te chu Inah awm ngam lovin CCA leh IDP pawlten hmun him lamah an awmtir thu hiat a ni a.
Inbeihna a la zual zel theih avangin Matupi leh Mindat kawngah mipuite tei chhuak rih loh turin CDF-Matupi-ten hriattirna thu an chhuah thu hriat a ni.
