Chin State, Tawnzang township Darkhai khaw hluiah February 2 zan dar !0:00 vel khan Tap chhaka thingtuah atangin kangmei a chhuak a, Full Gospel Biak in pakhat, EBC kohhran Pre school leh chenna in 5 a kan ral thu hriat a ni.
Darkhai khaw hluia tualchhung mi pakhat chuan “In neituin a mei chhemah a fimkhur tawk lo a ni ang, In an inhnaih bawk si a, a kang kai ta mai a. Tui khawl sa, a awm lo bawk nen In 5 chu a kang ral a, thi leh hliam erawh an awm hran lo” tiin a sawi.
Kangmei tuarte chhungkhua hi Darkhai thalai tlawmngai pawl ZYA leh khawchhung tlawmngai pawl ten Bawkte an khawhsak mai bakah ei in tur leh an mamawh tur chi hrang hrang te an chhawmdawl thu hriat a ni bawk.
Darkhai khaw hlui hi Tawnzang khua atangin mel 50 vel hlaa awm an ni a, mihring 170 vel an awm thu hriat a ni.
