Chin State, Halkha khawpui, Chin U Si Ward-a township collective Office-ah October 18, zing lam 2:00 vel khan ralthuam lian leh te an kah hnuah kangmei a chhuah thu hriat a ni.
“ Zankhuain ralthuam lian leh te an kah ri kan hria a. A hnu thleng pawhin ralthuam ri kan la hria. Rin aiin a kang nasa khawp mai” tiin Halkha khawpuia tualchhung mi pakhat chuan a sawi.
Halkha khawpuia collective Office hi kum 2017 khan hawn tan a ni a. Township Education Office, township immigration Office, township Administration Office, township Police Station Office, township Municipal Office leh Hotel bakah khualzin mite innghahna hmun a ni a.
Kangmei a chhuahna hmun hi Halkha khawpuia hmun laili niin Security an tam hle a. Chin State sorkar office leh Chin State Hluttaw awmna hmun inkara awm a ni.
Tun laiah hian Halkha khawpuiah Military Council sipai te leh PDF te an inkah reng thu hriat a ni a.
October 15 pawh khan Halkhathar Ward-ah District Mei sipai Office-ah kangmei a chhuak tawh a, Mei sipai Motor 2 a kan tawh thu hriat a ni.
