Chin State Halkha leh Thantlang khaw inkar Timit phaitual chhehvelah July chawhma vel atang khan Military council sipaite leh CDF tangrual te an inkap nasa leh hle a.
Military council sipaiten Thantlang khua thunun an tum leh avangin May chawhnu vel atangin Halkha leh Thantlang inkar Timit phaitual, Lungkhar tlang chhehvelah an inkap leh nasa hle a.
He inbeihna chungchangah Military council sipaite an hnutawlh thu hriat a, Tun dinhmuna an chanchin tlangpui chu CNF/CNA thupuangtu Salai Thet Ni chu Khonumthung Media-in biangbiakna a nei a ni.
Zawhna: Khawi hmun atangin nge inbeihna hi chhuak nge ni a?
Chhanna: May chawhnu atang khan a ni a, June thla chhung leh July chawlhkar khatna velah Lungkhar leh Timit lui chuanhnuai hmun 2-ah a ni a, tum hmasaah khan Lungkhar an bei a, tunah chuan an infin vek tawh.
Zawhna: Military council sipaite, eng vangin nge an hnungtawlh a?
Chhanna: Thi leh hliam tuar tam lo se, an hnungtawlh lo ang a, an bei chhunzawm ngei ang. A hnungtawlhna chhan hi an tanhmun siam that an duh vang pawh a ni mai thei.
Zawhna: Eng vangin nge Miliatry council sipaiten Thantlang lamah opration an neih fo thin le?
Chhanna: He opreration hi kum tin tun ang hun velah an che thin a, tun tumah hian thla khat chuang a bei tawh a. A bik takin chenna in an halna hmun Thantlang khuaah awmhmun khuarin an inchhek khawm thin a, hemi atangin sipai tam takin ram lak zel an tum niin kan hre thung a ni.
Zawhna: Chin State-a operation an neihna chungchangah leh thil dang sawi duh i nei em?
Chhanna: July 13 zing atang khan Halkha leh Thantlang chhehvel Timit phaiah Kalaymyo atangin Military council sipaite an rawn chho hlawm a. Nimin lawkah pawh khan Kalaymyo atanga Tedim panna Taingen khaw lamah Military council sipaite leh CDF tangrual pawlte an inbei nasa hle a, chanchin kimchang kan la hre thei rih lo.
Military council sipaite hian fur chhung hian an theih ang tawkin an rawn bei a, nakum furah chuan Chin State, KarenNi, Sagaing leh Kachin State-ah chuan chung lam Thlawhna hmangin an bei nasa zawk mai thei a ni tih hi kan rin dan a ni.
