Chin state chhim lam, Kanpalet township chhunga awm raltlante chu ei leh in tur an thlachham tan tawh hle a, December thlaah chuan zaa 90 vela an tlakchham tur thu hriat a ni.
“Telhawng huan hi kan innghahna a ni ber a, telhawng bulte chu zuarin buhfai kan lei thin a, chutianga kan eizawnna kan thlak takah chuan lo neih hna kan thawk tawh lo a. Thenkhat kum khat daih tura an lei khawl buhte chu tunah a zo titih tawh a. Thenkhat phei chuan an nei tawh lo, mi dang hnen atangin an puk a, an ei tawk tak a ni. Chuvangin, December thlaah chuan zaa 90 vel chu ei tur thlachhamin kan awm ang. Chu mi hnu phei chuan a harsa lehzual ang.”
Kanpalet township-ah military council sipaite leh CDF-Mindat/Kanpetlet pawl chu July ni 27 zing lamah Kanpalet township, Kanan khaw hlawm, Kanan khuaa an inkah vak avangin, mipui tam tak an tlantlan a. Chung raltlante chen nan Ka-rai khuaah refugee center pakhat leh Sin-Bau khuaah pakhat hawngin Kanpalet khuaa raltlan mipuite leh Kanan, Yan-Se, Mu-Se-Thein, Hmuei khua atanga raltlante telin mi 1500 vel an awm mek thu raltlan tanpuitu committee member te hnen atanga hriat a ni.
Tunah hian Kanpalet township raltlante chu Ka-rai khua foundation atanga tanpuina tlem a zawng dawngin an khawsa mek a, Kanpalet township-ah inkahna chhuah rih lo mah se, ei leh in tur bungraw phurh luh a harsat avangin, raltlanten buhfai bakah tel, chi, ngapih leh choka lam hmanrua an tlachham mek tih hriat a ni.
