Chin State chhim lam, Kanpalet township, Military council sipaiten thla 2 chhung kawng 2-a an beihnaah Chin State leh Magway region ramri-a tualchhung mipui raltlante chu August 9 khan an chenna hmunah an haw kir leh thu tualchhung mi te leh Revolution-ten an sawi a.
“Raltlante an vaiin an haw kir leh tia sawi theih ni mah se, chenna in an chhiat nual avangin awmna mumal an nei hlawm lova. Thuneituten khawchhung then fai hna an thawh hnuah an phalna anga haw kir leh an ni” tiin CDF-Kanpalet-a Deputy Major General MaNa Naing chuan a sawi a ni.
CinDui leh LaungShi khaw kawnga khaw 3-ah chuan bomb kam an sut mek avangin khawchhung luh an la phal lova. Military council sipai te leh PDF te bomb kam te chu ruah sur nasat avangin 60% bak an sut rih loh thu Revolution pawlten an sawi a ni.
Heng avang hian Chin State leh Magway ramri, Kanpalet township-ah Miliatry council sipai te avangin July 9 atang khan tualchhung mi 1500 chuang ramhnuaiah leh khaw hrang hrangah an tlanchhe hlawm a. Magway region-ah tualchhung mipui 1000 chuang an tlanchhiat bawk thu hriat a ni.
Military council sipaite hian Chin State chhim lam Kanpalet leh CinDui khuaah kawng 2 hmangin chawlhkar 2 chhung operation an nei a, CDF-Kanpalet telin tualchhung PDF te leh Public PDF hoten an beih rawn thu hriat a ni bawk.
