Chin State, Paletwa township-a CDM-a lut zirtirtute CDM an luh chian leh chian loh zawh fiahna an neih dawn thu Paletwa Township Education Board ten October 18 khan thu an chhuah thu hriat a ni.
CDM lut zirtirtute hian a hlimchhawnah khan hming chhinchhiah zel a ni a, a hnu lamah Non CDM te an awm leh thin avangin heti anga ruahmanna siam a nih thu hriat a ni.
Paletwa Township Education Board thuneitu pakhat chuan “ Revolution hlimchhawn khan Military Council-te do tura intiam CDM an awm nual a. A hnu lehah Non CDM-in an chhuak leh thin a. CDM thenkhatte biak pawh theih an ni lova. Chuvangin tun hma list ang a nih tawh loh avangin hetiang hian kan ruahman ta a ni” tiin a sawi.
CDM lut tak tak turte chu Region leh State level bakah township level-a awm zawng zawng ten a rang thei ang berin Paletwa Township Education Board hnenah in report theuh turin an ngen a.
Hun tiam chhunga Paletwa Township Education Board hnena CDM tura in report lo te chu Non CDM-ah a chhiar dawn thu an hriattir bawk.
Hun khaihlak chhung hian Paletwa Township Education Board ten zirna an la kalpui zel a. Tunah rih chuan hmun zalenna, khaw 60 chuangah raltlan Camp hmun 10 din a ni a. Primary leh Middle schhol zirlai 5000 awmin zirtirtu 160 ten an zirtir mek thu hriat a ni.
