State Planning and Administration Council chuan Chin State-a township 7 chu February 2 khan Martial Law-ah a puang a.
Security, dan hmanga rorelna leh ram chhung dinhmun a than chhoh zel nan tiin Tedim township, Tawnzang township, Falam township, Kanpalet township, Matupi township, Thantlang township leh Halkha township-ah Martial Law an puang a. South Western Command Commander chuan Constitution Article 419 angin thuneihna pek a nih thu Military council ten an thuchhuahah an tarlang.
Military region commander te hi a hun mil zelin an inthlak danglam zel a, indona hmuna hotute kutah mawhphurhna a hlan theih bawk a. Martial law an hman theih bawk thu Military council ten an thuchhuahah an tarlang.
Township 9 zingah tualchher silai hmanna hmun Mindat township-ah kum 2021, kum tir khan Martial law an puang tawh a. Chuvangin Paletwa township tel lovin township 8-ah Military council ten Martial law an puang a ni.
Military council ten Chin State bakah Revolution chet thatna Sagaing region-ah township 10, Kaya State-ah township 4, Pagu region-ah township 5, Magwe region-ah township 5, Taninthari region-ah Taninthari township leh Palaw township, Mon State-ah Ye township, Kayin State-ah Kya In (Chia In) township leh Kawkareih (Kawh Ka Reih) township-ah Martial law-ah an puang tawh a ni.
