(Heng chi 4-te hi mahni atanga tehin mi dang tan a thatna a nih rualin mi thiamte chhui chhuah hmanga lar lan a ni e)
1. Kut invawn atanga kai mai theih a ni.
Corona Virus hi kuta indeh maiin a kai theih loh a. Entir nan, kut vuna chhah tak (Corneocyte) hmanga siam a ni a. Chuvang chuan Virus chuan vun chung lam a pal tlang thei lo a. Hnar kua bawr velah he Corneocyte a awm ve loh avangin kut invawn atang hian Virus hri hi kai a awlsam em em a ni.
2. Mihring siam chawp a ni em?
Social media tam zawkah hian Corona Virus hi mihring siam chawp nia tar lan a tam khawp mai. March ni 17 khan America, England, Australia scientist-te chuan Corona Virus chhunga awm Genome an tih inthlah chhawnna hi chik taka an zir chiannaah chuan Corona Virus hi amaha rawn piang niin mihirng siam chawp a ni lo tih an sawi a ni.
3. Tuk-Kui natna nen a inang em?
Tuk-Kui (Dengue Fever) natna nena a inan loh thu chi hnih a awm. A inanna thenkhat chu khawsik, khuh, kut a nat bakah thi an tlem a, Tuk-Kui-ah chuan mi 1000-ah mi 1 an thi tlangpui a. Tun dinhmunah chuan Corona Virus hri kai mi 1000 zingah mi 40 zet an thi a, chuvang chuan a let 40 chuang zetin thi an tam tihna a nih chu. A dang lehah chuan kawthaloin an chau ngawih ngawih thin a ni.
4. Kum naupangin hri an kai har
March ni 30 khan NewYork-a hriselna lam ngaihtuahtu pawl chuan Corona Virus hri kai zaa 41 te hi kum 18 atanga kum 42 inkar an ni tlangpuia hriat a ni a. Chuta hri kaite pawh chu hriselna tha mah se, natna do zo lo mite an ni a. Hri kai zaa 12 te hi kum 64 atanga kum 72 inkar an ni leh a. Chuvangin kum upa lam chauh ni lovin kum naupang lamte pawhin hri an kai ve thei tho a ni, fimkhur a tul hle.
