Myanmar-ah ni khat chhungin Covid-19 hri kai thar mi 30 chuang hmuh belh a ni a. Heng zinga 84.85% hi ram chhunga kai thar te an ni tiin Military Council, Health of Ministry chuan August 21, zan khan an thuchhuahah an tar lang.
Darkar 24 hnua mi 5899 an test-naah hri kai thar mi 33 hmuh a ni a. Hri kai thar hmuh 0.56 a nih thu hriat a ni.
Covid-19 enkawl mek te zingah thi an la awm lova, thi tawh zawng zawng hi mi 19437 an nih tawh thu an thuchhuahah an tar lang.
Rampum huap hian Covid-19 hri kai tawh zawng zawng hi mi 614654 an ni a, enkawl dam tawh zawng zawng mi 594231 an ni tawh,
Tuna tar lan tak te hi CDM te Damdawi in leh test-na hmun hrang hranga list a tel lova. Military Council-te hnuaia Tatmadaw damdawi in leh test-na hrang hranga an list lak a ni a. Hri kai zat leh thi zat hriat chian a ni lo.
NUG, Health of Ministry te chuan Covid-19 hrik thar, kai thar hi chawlhkar liam taah khan khawvelpumah a darh chak hle tia UNO hriselna ngaihtuahtu pawl ten a tar lan chu la chhawngin an thuchhuahah an tar lang.
Heng avang hian mipuite hian Covid-19 Vaccine inchiu theuh turin leh invenna tur, dan siam te zawm hram hram turin NUG sorkar chuan mipuite a ngen nasa hle.
Military Council, Health of Ministry te chuan Covid-19 hri kai thar leh thi zat hi ni tin deuhthaw an tar lang thin a. Hmanni lawk atang khan ni tin hri kai thar 1% pawh an awm tawh lova, thi awm loh ni pawh, an awm tawh tiin a tar lang.
He mi avang hian Myanmar ram chhungah Covid-19 hri kai thar leh thi a tlak hniam avangin March 16 atang khan mipui 400 chin, awm khawm phal a nih tawh thu Military Council, Health of Ministry te chuan an thuchhuahah an tar lang.
Chawlhkar liam taah khan hri thar Omecrone kai thar mi 32 hmuh thar thu hriat a ni a.
Myanmar-ah hian Military Council ten sorkarna kum khat leh a chanve an lak hnu hian ei zawnna, nunphung leh hriselna thlengin harsatna a thlen a.
NUG sorkarin Covid-19 chungchanga a chhinchhiah dan chuan Damdawi ina in enkawl ngai, Damdawi in, pan thei lova online-a in enkawl te leh Military Council ten thi zat dik tak a puan thin loh avangin in enkawlna kawngah duh thu a sam lo tih hi kan ngaih dan a ni, an ti.
Covid-19 Vaccine chiu tawh zawng zawng kum 18 chung lam hi, mi Maktaduai 30 an chuan tawh thu Military Council, Health of Ministry chuan a thuchhuahah a tar lang.
