Myanmar-ah ni khat chhungin Covid-19 hri kai thar mi 4 hmuh belh an nih Military Council hnuaia awm, Ministry of Health department chuan January ni 8 zan khan an thuchhuahah an tar lang a.
Darkar 24 chhunga laboratory lam atanga enfiahnaah test mi 3974 zingah mi 4 positive hmuh niin, a percentage zawng chuan 0.1% hmuh chhuah a ni a. Mahse Covid-19 avanga thi an awm belh loh avangin, record hnuhnung bera awm zat chu19490 a la nih reng thu hriat a ni a.
Myanmar ramah tun thlengin Covid-19 hri kai tawh zat chu mi 633717 an awm tawh a, dam chhuak 608354 an awm tawh bawk a. Mahse, sipaiin thuneihna lak a nih hnuah damdawi in, clinic leh hmun hrang hranga test leh record neihte chu a danglam chho viau a, a taka thleng nen a inthlau viau mai thei a.
Tun lai hian China ramah Covid-19 hi a hluar chho leh mek a, khawvel ram thenkhatin China khual zin mite tan khuahkhirhna an siam tan a. China chuan Myanmar nena in kal pawhna gate chu official-in hawng leh tawh mah se, tun thlengin Myanmar lamin an la hawng ve lo ni-a thu dawn a ni.
