Sagaing region, Kalaymyo, Tahan Ward, Sain Mechael kawng kawt hnung, chenna in pakhat chu June 6, zan dar 7 vel khan kangmei a chhuak a, sorkar current a kal loh avanga Mei khawl (Generator engine) tui an thunna atangin kangmei chhuah thu hriat a ni a.
In, a kanna hi in pakhata chhungkaw 3 chenna in a ni a, ar vulha ei zawng te an nih thu hriat an ni bawk.
Hemi zan hian current hmanga ar hmul an puah laiin current a mit thut a, Generator engine hmang tura a tui an thun atangin kangmei a chhuah thu an hmangtu chhung te leh a hnaivaia miten an sawi a.
“Hemi zan hian current hmanga ar hmul kan puah laiin current a mit thut a, generator engine nun kan tum a, a tui a zawh avangin kan thunna atangin mei a chhuak tan a, In a kang ta a ni” tiin an sawi a.
Zan dar 7 vel atangin kangmei a chhuak tan a, khawchhung mipuite leh kangthelh motor 4-in an thelh a, zan dar 9 velah an thelh mit theih thu tualchhung mite hnen atanga hriat a ni.
Kangmei a chhuah avangin naupang pakhat a hliam a, damdawi inah an enkawl nghal thu hriat a ni a.
Kangmei tuarten an bungrua eng mah an chuh hman lova, an ranvulh vawk 2 leh an ar vulh zawng zawng te a kan ral vek thu hriat a ni bawk.
Kalaymyo khawpui chhungah hian sorkar mei (Current) pangngai taka a kal thin loh avangin tualchhung mipuiten harsatna an tawk nasa hle a, current awm loh hunah solar plat leh Battery box hmangin emaw generator bakah Gas leh meihawl hmangin ei rawng an bawl thin thu hriat a ni bawk.
