Sagaing region, DaBeYin township huam chhungah Military council sipaiten operation an neih avangin khaw 7-a tualchhung mi 5000 chuang te chu hmun him lamah an inthliar fihlim thu Ye U khuaa base, People’s Defence Comrade, information-a thuneitu Thu Khant Zaw chuan Yangon Khit Thit media a hrilh a.
Tun dinhmunah chuan khaw 5-a tualchhung mipui 5000 chuang an tlanchhe mek a, a chhehvela khaw thenkhat te pawh inthliar fihlim turin an puahchah mek a, Military council sipaiten kawng tluanin an kah chiam thu hriat a ni bawk.
“August 8 chawhnu lam khan DaBeYin tlak lam, khaw 7-a tualchhung mipui 5000 chuang an tlanchhe nual tawh a, thenkhat te chu khawi hmunah nge an tlanchhiat ang tiin an mangang hlawm hle a, bomb karah an biru mek a ni. DaBeYin khua atanga Ye U khaw tlak lam , Chuang Yu khaw chhehvelah Military council sipaiten an kap nasa hle” tiin People’s Defence Comrade, information-a thuneitu Thu Khant Zaw chuan a sawi a ni.
