Thai, Myanmar ramri, Kayin State-a DawNa tlangdung tluanah thingkung tiak 20000 hmangin “Revolution Forest” campaing neih a nih thu forest CDM sipai Ko Ni Ye chuan a sawi a.
“He campaing-ina a tum ber chu revolution hun chhunga, hmun tha an buatsaihsakna hriatrengna leh ram tana pasaltha nunna hlan te hriatreng nan Revolution Forest tiin kan ruahman a ni” tiin forest CDM sipai Ko Ni Ye chuan Mizzima Media a hrilh a.
Thingkung tiak chi hrang hrang zingah hian Tlawr (Teak), Thinguk leh thingkung dangte an awm nual a. He an phunna hmunna ram tur hi acre 20-a zau KawTuLi forest department (KFD)-ten an pek bakah tualchhung mipuiten lo ram acre 20 hmun ram an pek bawk thu hriat a ni.
“Revolution Forest” atanga sum lut tur hi DawNa operation tan 40%, Sagaing leh Magway region tan 30% , CDM leh raltlante tan 10% an ruahman thu hriat a ni bawk.
“Heng sum lut zingah hian ram chhung hmun laili te beihna atan 30% ruahman a ni a, eng vang nge tih chuan Military council sipaiten an beih nasatna hmun a nih vang a ni” tiin forest CDM sipai Ko Ni Ye chuan a sawi a ni.
He campaing hun chhung hi June 5 atangin July 5 thleng a ni a, thla khat chhung hun tiam a ni a, tunah hian thingkung tiak 2500 vel hralh chhuah a nih tawh thu an sawi bawk a ni.
He “Revolution Forest” campaing thingkung tiak hi Myanmar Kyats,Thai Bath, USD Dallar, Korea Wan, Singapore Dollar, Japan Yan hmangin Htout Phoet kal tlanga lei theih a nih thu hriat a ni.
