Kayin Ni State, Demoso township-ah March 20-23 chhunga inkahnaah Military council sipai 90 an thi a, ralthuam tam tak an laksak thu KNDF leh thuneitu pakhat chuan Yangon Khit Thit Media a hrilh a ni.
March 8 atang khan Kayin Ni State, Bawlakhe (Baw La Khe) khua atanga Demoso township, Daw Ngin khuaah Military council 330 rual ten pawl 3-in an luhchilh a, Kayin Ni tangrual pawl ten an beih rawnnaah Military council sipai te thi leh hliam an awm nual thu hriat a ni.
Daw Ta Ma Gyi khuaa Military council sipai camp-a innghat ten March 20-23 chhung khan KA, KNDF/B 10, 15, 16. KNDF/ETD, Naypyitaw PDF tangrual pawl ten an beih rawnnaah Military council sipai officer telin sipai 90 chuang an thi a, mi 50 chuang an hliam bakah ralthuam an laksak nual thu hriat a ni.
Kayin Ni tangrual pawl ten Military council sipai te an beihnaah MA-1 silai 11. MA-2 silai 10, MA-4 79 silai 1, 9MM pistol 5, RPG 2, 60 MM laipui 2, bomb zawnna khawl 2, biak hlatna khawl, bomb, vawm bomb, computer, phone leh khawl hmaraw chi hrang hrang an laksak nual thu hriat a ni.
Kayin Ni tangrual pawl zingah KNDF sipai 2, KA sipai 2, Naypyitaw PDF sipai 1 te, ram tan an nunna an hlan a. March 9 atang khan Daw Ta Na Gyi khua, Daw Su Phia khua, Daw Ngin Khu khuaa inkahnaah Military council sipai te hliam an awm nual avangin Bawlakhe khua, Fa Ru Su khuaa Military council sipai camp atangin ni tin Thlawhnain ralthuam lian an kap nasa hle a. a chhang lettu te an hliam nual thu hriat a ni.
Military council sipai ten khawchhung an luhchilh avangin Daw Ta Na Gyi khua, Daw Su Phia khua, Daw Ngin Khu khuaa mi te an tlanchhe vek a. Military council sipai te an hliam nual a, chenna in 100 chuang an halchhiat thu hriat a ni bawk.
Military council sipai ten Kayin Ni State an beihnaah ralthuam chi hrang hrang an hman nasat avangin ram chhung leh ram pawna mi te hnen atanga tanpuina an mamawh zual hle thu KNDF ten an ngen a ni.
