Kayinni state, Demoso township-ah May 14 atangin May 23 thleng, ni 9 chhung inbeihnaah Captain 1 telin Military council sipai 40 vel an thih bakah sipai 3 an man a, ralthuam tam tak an laksak nual thu KNDF-ten an thuchhuahah an tar lang a.
May 14 atang khan Daw Shia Khu khua chhuak lam, tlang chung atanga chhuak Military council Khah Mah Yah (IB) 425, 517, 287 te chu Kayinni Battalion KA, KNDF 6,4. KNDF-ETD,KNDF-UAV leh Loikaw PDF ten May 23 thleng an kah rawn thu hriat a ni a.
He inkahnaah hian Military council sipaiten Jet Fighter-in vawi 60 aia tlem lo an bomb a, ni 9 chhung inbeihnaah Military council sipaite hnen atangin MA-1 pariat, MA-2 pakhat, MA-3 pathum, MA-4 pakhat, 9 mm Pistol pakhat, RPG pahnih leh ralthuam hmanrua tam tak an laksak bakah Military council sipai 2 an man thu hriat a ni a.
He inbeihnaah hian KNDF/BO-1 atangin sipai 1, KNDF/BO-7 atangin sipai 2, KNDF/BO-9 atangin sipai 3, KNDF/BO-10 atangin sipai 1, KA atangin sipai 1, an vaiin sipai 8 an boral thu hriat a ni bawk.
Demoso khawpui chhuah lam zar Daw Se, Daw Da Ngu leh Ta Nin La Le khaw lamah Military council sipaite nen kumin 2023 March thla atangin March 24 thleng an inbeihna avangin tualchhung thuneituten, mipuite veivak lo turin an hriattir thu hriat a ni bawk.
