Mandalay Myo, Aung Myay Tharzan (Awng Me Ta Zan) township District Court bula Military Council te Camp leh Chan Mya Tharsi (Chhian Miah Ta Si) township huam chuunga India Consutate Office sira Military Council Camp te chu July 14, tlai lam khan Mandalay khawpuia Rawlrala che pawl ten vawmpuah Bomb-in an beih thu Rawlrala che pawl ten an thuchhuahah an tar lang.
July 14, zan dar 7:00-8:00 velah khan an Bomb a, District Court bula Military Council Camp-a sipai mi 2 an thi a, India Consutate Office kianga Military Council Camp-ah hmeichhe Police 4 an hliam thu Mandalay Rawlrala che pawl-a Bo Mui Pui (Rul lal) chuan a thuchhuahah a tar lang.
Thi leh hliam te hi BBC-in a la comfrim rih lo.
Military Council lam te hian an chhang let ve a, Rawlrala che pawl te, thi leh hliam an awm loh thu an thuchhuahah an tar lang.
“Court-ah hian tum khat, Ambassy-ah hian tum khat bawk an bei a. Ambassy bul hi an beih tumna a rei tawh hle a, mipui venthawn avangin an pamtul leh thin. Military Council ten sorkarna an lak hlim khan Duty an tam zual a. Nimin kha chuan hliam na tak mi 6 Damdawi inah an enkawl thu hriat a ni. Tukin lam boruak erawh chu ka hre lo” tiin Mandalay khawpui Rawlrala che pawl Bo Mui Pui chuan a sawi.
He beihnaah hian Mandalay khawpui Rawlrala che pawl, pawl 3 ten an beih thu hriat a ni.
Tualchhung mi ten an sawi dan chuan nizan khan Mandalay Aung Myay Tharzan, District Court bulah ralthuam ri hriat a nih angin July 15, tukah pawh khan Mandalay khawpui chhungah Military Council te an Duty nasa hle tih hriat a ni.
