Pago region, Pyay khuaa ukil Ko Tizaw Aung, Ma Hyi Man, Ko Naung Naung leh hming hriat loh pafa pahnih telin mi 5 te chu military council sipaiten an chenna inah ngei facebook an hman avanga an man tak thu hriat a ni.
Sorkar ukil Tizaw Aung chu a chenna in Nagawinwayun kawngah May ni 3, zing lam dar 3 velah man a ni a, Ko Aung Aung chu April ni 2-ah a beuti parlor dawr hawnna Ongtaw kawnga a inah man a nih laiin, မဟေမန် pawh a chenna Chaungyi Utann venga man a ni.
Anni chuan Facebook-a PDF te chanchin tarlanna page leh group vel enin, share leh like an lo tih avangin, Facebook Dalan lamin military council hnenah report-in enthlak an nih hnuah chutianga man zui a nih takt hu tualchhung mi pakhat chuan a sawi a.
Chu tualchhung mi pakhat chuan, “Facebook-a Like, Share an lo tih avanga man tawk an tam tawh a, a nihna takah chuan mi pangngai ve mai an ni a. PDF pawh an ni lo, NLD party member pawh an ni lo. Sipaiin thuneihna an lak duh lovin, an rilrua awmte an phawrh ve mai a ni a, mahse tunah chuan man an tawk a. Online-a Dalan awmin an report a ni. Chutiang chu an hriat loh avangin an tuar ta a ni,” tiin a sawi.
Chung an mante chu military council court lamin section 505 (a) hmangin thubuai an siamsak a, an chhungte pawh hmuh an phalsak loh thu hriat a ni.
