Falam khawpui atanga Halkha khawpui pan mek Military council sipai ten ralthuam lian an kap nual

0

Chin State, Falam khawpuiah Military council sipaite zan hnih an riah hnuah March 21 tuk khan Halkha khawpui lamah an pan thu tualchhung mi te hnen atanga hriat a ni.

Tualchhung mi pakhat chuan “Tunah chuan Falam khawtchhuah Matubuk an thleng tawh a. Armoured car 2, motor 28 leh JCB pakhat nen an pan a, Falam khuaa innghat Kah Lah Yah (LIB) 268 tlang camp-a awm ten hma hruaiin kawng then nan 122 MM ralthuam lian kawng tluanin an kap reng” tiin a sawi a ni.

March 9 khan Kalaymyo atangin Military council sipai ten ration leh ralthuam phurin Chin Hill lam an chho va. Ni 11 hnu March 19 chawhnuah Falam khuaah lutin zan an riak a ni.

Heng avangin Falam leh Halkha motor kawngah mipuite veivak rih lo turin Revolution pawl ten mipuite an hriattir a. March 20 atang khan Falam leh Kalaymyo motor service, an tlan leh tan tawh a, interner leh phone erawh a la hman theih loh a ni.

Share.

Leave A Reply

Exit mobile version