Falam khawpui inkahnaa an man mi 18 an chhuah tawh a, mi 5 an la chhuah lo

0

Falam khua State Hight School huam chhunga duty Military council sipai te, CDF ten an kah avanga an man tualchhung mi 18 te January 18 chawhnu khan an chhuah leh a, mi 5 an la chhuah loh thu hriat a ni.

Falam khuaa tualchhung mi pakhat chuan “Mi 18 an chhuah te hi khua atanga hla fea awm te an ni a. an la chhuah loh mi 5 te hi a chhehvela awm te an ni a, thutiamna eng mah an nei lo. An la chhuah loh mi 5 te ngaihven mek an ni” tiin a sawi.

He an inkahna hun hi January 18 chawhnu lam, Falam khua Fartawk Ward-a an school bang haw tumah a ni a, zirlai mipa naupang pakhat a hliam a. Military council sipai ten a chhehvela thalai rual mi 24 an man a, an man zanah mi pakhat an chhuah nghal a ni.

He inkahnaah hian police pakhat a thi a, mi 4 an hliam avangin Military council sipai ten khawchhunga in tin an check a, zan dar 9:00 hnuah curfew an puan thu hriat a ni.

An man zinga an la chhuah rih loh mi 5 te hi Falam police station-ah an la khung thu hriat a ni a, Falam khawchhungah mipui te dan pangngaiin an khawsak thu hriat a ni.

Share.

Leave A Reply

Exit mobile version