Chin State, Falam khua inkahna avangin thla khat chhunga an hren tawh tualchhung mi 5-te February 16, chawhnu khan intiamkamnain an chhuah a ni.
“Ani 5 hi intiamkamnain an chhuah lawk a, thla khat chuang an hreng a, an hriselna pawh an la tha rih e” tiin Falam khuaa tualchhung mi pakhat chuan a sawi.
Tuna an chhuah tak mi 5 te hi Salai Ngun Sui Thang, Pu Tin Hmung, Pi Ram Nuam, Pi Neih Kip Par leh Salai Hrang Lian Ual te an ni a.
February 18, chawhnu khan Falam khua, Fartawk Ward, School-a police duty te CNA ten an kahna avangin a chhehvela tualchhung mi 24 an man a, mi 19 an chhuah tawh hnuah tuna mi 5 te an la hreng rih a ni.
Heng an mi man te hi politic leh revolution-a an inhnamhnawih loh thu intiamkamin an hming sign hnuah Nilitary council ten an chhuah thu hriat a ni.
…………………………………
