Chin State, Falam khawpuiah Janaury 18 chawhnu 3:30 khan State Hight School No.1 kawng chhuk thlakah Chin National Army (CNA) sipai te leh Falam khuaa Police te an inkah thu hriat a ni.
Falam khuaa tualchhung mi pakhat chuan “A tirah silai ri vawi 2 kan hria a, a hnuah a ri zawn leh a. Tumah kan chhuak ngam lo, Police 2 an thi nghal a, pakhat erawh a kut atangin thisen a chhuak nasa khawp mai. Mi eng zat nge an thih kan hre lo” tiin a sawi.
Hetia an buai hnu hian a chhehvela tualchhung mi 30 vel Military council sipai ten an man a. A zan la lain Military council sipai ten zan dar 9:00 hnu lamah curfew an puan thu hriat a ni.
Minute khat vel an inkahnaah Military council sipai pakhat a thi a, mi 4 an hliam thu tualchhung mi te hnen atanga hriat a ni a. A chhehvela pawl 10 zirlai mipa naupang pakhat a malah an kah hliam thu hriat a ni bawk.
Military council sipai te hian school-a an duty laiin zirlai haw lam Bike-a a chuan laiin an kah thu hriat a ni.
