Falam khuaa bawlhhlawh paihnaah Vawk thi an paih thin avangin Mulukawlh ten an tlan

0

Chin State, Falam khuaah nikum October thla atang khan Vawk hri a hluar avangin Vawk thi a tam hle a. Vawk thi te phum lovin bawlhhlawh paihnaah an paih thin avangin Mutukawlh ten an tlan thin thu hriat a ni.

“January 10 hma kha chu Vawk thi 30 vel an paih a. Khawpui luh dawn leh Thlanrawn khaw chhukthlak bawlhhlawh paihna velah an paih thin a, Mulukawlh rual ten an tlan thin. Falam khuaah Mulukawlh te kum tin an rawn thlawk thin a, kuminah erawh chuan Vawk thi an tam avangin a za tel an rawn thleng” tiin tualchhung mi pakhat chuan a sawi.

Tun dinhmun thleng hian chaw zawng thin Mulukawlh ten an hranpain ramhnuaiah an in hawrkhawm thin a, Vawk thi an paih chan hian an huhoin an tlan thin thu hriat a ni.

“Falam khuaah Vawk hri a leng a, Municipal ten ran talh an khap a. Vawk sa lei tur an awm loh avangin ni 5 chhung Sa dawr an khar lailawk” tiin Bazar thin mi pakhat chuan a sawi.

Kum 2021 October thla atang khan Halkha khua leh Falam khuaah Vawk hri a len nasat avangin Vawk vulh ten an hloh nasat thu hriat a ni bawk.

Share.

Leave A Reply

Exit mobile version