Falam leh Halkha khawpuiah Internet a hman theih lohna ni 20 a chuang tawh

0

The Tahan Post

Chin State, Halkha khawpui leh Falam khawpuiah April 16 atangin May 4 thleng khan Phone leh internet a la hman theih loh thu hriat a ni a.

Halkha khawpuia tualchhung mi pakhat chuan “Halkhaah ATOM leh Oredoo phone signal a chhiatna hi ni 20 a chuang tawh a. Military council-ten an khar nge ni a, Kalaymyo leh Halkha inkara Fiber hruai a chhiat vang nge kan hre lo. Halkhaah MTP phone signal chauh a awm a, zanlai velah signal tlem a awm chauh a, chanchin thar engmah kan hre ve thei lo. Entir nan, Military council sipaite Thlawhna thlawk te leh Halkha khawchhunga buaina a awm pawhin chanchin engmah kan hre thei lo. A chang chuan sum sengin SMS pack lei chawpin News kan post ve a, mi dang kan phone pawhin an hre thei bawk si lo”.

Kan harsatna pakhat chu Online class hmanga zilaite tan an harsa lehzual a, ni 20 chuang an zir thei tawh lo, March thla pawh khan ATOM leh Oredoo Net ni 17 vel a hman theih loh bawk” tiin a sawi a.

Halkha khawpui hi Chin State-a sorkar hmunpui a nih angin Military council sipaiten Internet hman theihna khaw awm chhun a ni a. Fiber hrui a chah avangin Signal a awm lo an ti a, nemnghehna chiah a awm rih lo.

Falam khuaa tualchhung mi pakhat chuan “Zing dar 7:00 hma chuan Signal a full a, mi dang kan call hian an tawng kan hre thei vak lo. Tun hma kha chuan CDMA phone kan hmang thin a, Internet erawh a hman theih loh” tiin a sawi bawk.

Chin State khawpui chhungah chuan Phone Tower an hman leh theih tawh a, Thingtlang khaw tam zawkah chuan phone a la hmang theih rih lo a ni.

Share.

Leave A Reply

Exit mobile version