Chin National Organization (CNO), Judiciary Deoartment-ten Falam township-ah dan bawhchhia mi 11-te hnenah dan anga an hrem thu hriat a ni a.
CNO/CNDF-ten an thunun huam chhungah tualthah, pawngsual, ruk hmang, In hal leh ruihhlo ti leh zuar, dan bawhchhia te chu dan angin pawisa chawi leh lung in tantir an nih tur thu June 13 khan CNO-ten an thuchhuahah an tar lang tawh a.
Dan bawhchhia mi 4-te pawisa an chawitir hnuah an chhuah leh a, mi 7 te erawh chu kum 1 atangin kum 10 thleng an hrem thu CNO, Judiciary Department Secretary Salai Van Sui San chuan a sawi a.
Pawngsual mi 2 te hnenah section 367 hmangin kum 8 leh section 360 hmangin kum 10 an hrem bawk a.
In hal thintu mi 3-te section 463 leh 506 hmangin kum 1 theuh an hrem leh a.
Ruk hmang, ruihhlo ti leh zuar mi 4 te chu Kyats nuai 5 leh nuai 35 chawitirin an chhuah leh thu CNO court chuan a tar lang a.
Hetiangin thil tha lo titute kan hmalaknaah hian inpuih zel a ngaih thu CNO Judiciary Department, Secretary-in a sawi thu hriat a ni.
