Chinး state, Falam township Flam-Hakha kawngpuia, khaw hrang hrangah military council sipaite inkulhnaah laipui chu awmze nei lo lovin an pawng tawng kah thin a. Chutianga an kah chhuah chuan mipui chenna in tichhiain, a tih kan avangin, khaw 7-a mipui sang 2 chuang chu raltlan a, an kal chhuah thu hriat a ni a.
Falam khua hre chiangtu pakhat chuan, “Raltlan khaw 7 an awm tawh a, anni chu khaw thenawma ramhnuai lamah an biru a. Thlanrawn, Tral khuaa awmte chu a khaw pumin an tlan chhia a, Rialtui khuaah pawh chhungkua an awm tawh lova, in ding pawh an awm tawh lo a ni. Tunah chuan khaw thenawma ramhnuai lamah an biru mek a, mi sang 2 vel an nih a rinawm a ni,” tiin a sawi.
Falam-Hakha kawngpuia Lungpi/Lungrang၊ Zalai၊ Rialtui, Thlanrawn, khaw thar, khaw hlui, Tral khua leh Tlangzar khuaa awm mipui chu mahni chenna in chhuahsanin an tlan chhia a, chutiang bawka khaw danga mi tlan chhiat tumte pawh an awm bawk a ni.
Tuna raltlan ramhnuai lama biruten ei leh in tur, ruahtui laka an himna tur silpaulin te chu an mamawh hle tih hriat a ni a.
Falam khaw chungchang sawi chhuaktu bawk chuan, “Ei leh in tur pawh an nei tlem sawt tawh hle a. Nakin lawkah an buai thei a ni,” tiin a sawi leh bawk a ni.
Military council chuan Northwest regional commander a siksawi hnuah Chin state chhim lam leh hmar chu sipai tam tak hmangin a nawr chho a, October ni 12 khan military council tank leh sipai motor 50 chuang chu Falam khaw lamah an thleng tawh a.
Falam khua atanga Hakha khaw lam chu October ni 13 khan firfiak sipaiten an pan chhoh leh rualin Falam township-a Rialtui khuaa chenna inte chu an hal chhiat hnu lawkah Chin National Front leh Chinland Defense Force tangrual sipaiten an kap ta a ni.
Military council sipaiten October ni 14 khan Falam-Hakha kawngpuia Thlanrawn khaw thara awm biak in leh chenna in 10 chuang chu meiin an hal chhe leh vek a. Falam-Hakha inkarah military council leh Chin National Front (CNF), CDF tangrualte chu an inkap tak tak a, firfiak sipai motor 16 kah chhiat a nih rualin sipai tam tak an thih thu pawh hriat a ni.
