Kalay-Falam kawng, Varlung khuaa Salai Van Lian Uk leh Salai Peter Dam Lian Sang te pahnih chu June ni 30 chawhma lamah Zawngling khaw lamah an kal a. Kal kawngah rahpuah bomb (land-mind) an chil fuh avangin kum 22 Salai Peter Dam Lian Sang chu a hmunah a thi nghal a, pakhat zawk erawh a hliam thu tualchhung miten an sawi.
Tualchhung mipakhat chuan, “Kalay atangin military council sipai motor 23 chu Falam lamah an kal tih thu hriatin, khaw mite chu hlauvin an tlan chhia a, anni pahnih chu khaw hnai vaia an thiante hnenah kan va leng ang e, tiin an chhuak a, rei vak lovah bomb puak ri hriat a ni a, rin ang ngeiin an che sual ta a ni,” tiin a sawi.
Military council sipaite June ni 27-ah Kalaymyo atanga Chin sate lam kala an kal avangin, CNO/CNDF pawl chuan mipuite chu Kalay-Falam kawnga kal lo turin hriattirna a lo chhuah tawh a.
Sipai motor 20 chuanga kal military council sipaite chu Varlung khaw thlen hma Zaukau khuaah motor dahin Ralmawl tlangah keia an chhoh thu hriat a ni a. Chutianga hriattirna chhuah a nih laiin chung tleiral mipa pahnihte leng chhuakin bomb phum rap puak palhin an thih pui ta a ni.
