Kalaymyo atanga Falam lama pan military council sipaiten Kalay-Falam motor kawngpuia kama Varlung khuaa awm kum 63 mi rualban lo hmeichhia, bengngawng, Pi Tialkap chu June ni 30-ah silaiin an kap hlum a, July ni 3-ah khaw miten a ruang an hmuh thu hriat a ni.
Sipai motor 20 chuang inzui chu June ni 30-ah Varlung khaw bulah an riak a, Falam lam pana an chhuah leh hnuah silaia kah hlum Pi Tial Kap-i ruang chu kaw pawn hmun pakhatah hmuh a nih thu tualchhung miten an sawi.
July ni 2-ah pawh Falam township Lianzawl hmuna taksa chanve, hnuai lam zeng mipa, Vum Lian Thang chu military council sipaiten kut hnung khirha hnuk chhuakin, an thah zui thu hriat a ni.
