February 24 atangin Passport, online atanga siam leh a nih theih thu February 22 khan hriattir a ni a.
Passport siam tur ten Yangon khawpuia Myanmar Passport Issuance Office-ah Oneline Booking hmangin region leh state ten tih dan pangngaia an siam theih thu hriat a ni.
Online booking-a siam tur ten harsatna an neih chuan township hrang hranga police station hnenah tanpuina a dil theih thu hriat a ni bawk.
“An sawi lawk angin lehkhabu kan chherchhuan ve a, eng ang dinhmun nge a thlen dawn kan hre pha lo” tiin passport siam mi pakhat chuan a sawi a ni.
Online booking-ah hian hun bitiam a awm lova, awlsam taka siam theih a nih angin sum sen zat erawh an rate siam anga pek tur a nih thu hriat a ni.
Passport siamna office hi kum 2022 December khan khar lailawk a nih angin hnathawh chawlh a ni a, MOU kalhmangin hnathawktu thenkhatte leh Buddish Kutpuia kal tur te chauh passport pek phal a ni.